Home TECHNOLOGY UPI (Unified Payments Interface) क्या है और UPI App से Cashless Transaction...

UPI (Unified Payments Interface) क्या है और UPI App से Cashless Transaction कैसे करते है

128
0
SHARE

UPI (Unified Payments Interface) Kya Hai or UPI App Ka Use Kaise Kare: Aap sabhi ko pata hai ki hamare ess world mein technology kitni Raftaar se badh rahi hai aur ess technology ke madhyam se hamare liye kai aisi chije hai jo bilkul aasan hoti jaa rahi hai. Jaise Internet technology ke madhyam se hum apne ghar se hi market ke saare kaam kar sakte hai jaise Shopping, Mobile Recharge, Booking Railway Ticket etc ya koi bhi information internet ke madhyam se nikal sakte hai.

UPI (Unified Payments Interface) Kya Hai Or UPI App Se Cashless Transaction Kaise Karte Hai

Internet technology ke madhyam se hum ghar baithe hi paise transfer bhi kar sakte hai ek bank account se dusre kisi bhi bank account mein. Online Paise transfer karne ke liye hamare pass Net Banking or Mobile Banking jaisi subhidaye toh pahle se hi hai…par abhi ek aur nayi technology add ki gayi hai jiska naam hai UPI. To Dosto, ess post me hum aapko bataunga ki UPI (Unified Payments Interface) kya hai or iska use kaise kare saath hi iske fayde or nuksaan ke baare mein jaanenge.

UPI (Unified Payments Interface) Kya Hai?

UPI ka full form hai Unified Payments Interface, jo ek app hai. Iss app ke dwara hum apne Bank account ko apne Smartphone me use kar sakte hai. Hamare jitne bhi bank me account hai unme hamara mobile number to register hota hi hai aur un sabhi register mobile number ko ek hi app me use kar sakte hai aur aisa karne se hum apne saare bank account ki details ek hi app mein dekh sakte hai. Iss UPI app ki madad se hum apne bank account se paise transfer ya receive bhi kar sakte hai wo bhi bilkul aasani se.

UPI App Ka Use Kaise Kare?

UPI App Kisi ke liye bhi use karna bilkul aasan hai, ess app ko use karne ke liye aapke pass Android Smartphone ya iPhone Smartphone hona jaroori hai or iske alawa aapke Smartphone me internet bhi hona jaroori hai.

Agar aapke pass Smartphone aur internet hai toh uske baad aap apne Smartphone me UPI App install kar sakte hai. UPI App install karne ke liye aap Playstore par jakar search kare UPI App to lagbhag jitni bhi bank hai sabke UPI App aapko mil Jayenge. Uske baad aap kisi bhi bank ka UPI App install kar le…ess baat se koi fark nahi padta ki aapka bank account kis bank ka hai or ess app ko install karne ke liye koi charge bhi nahi lagta hai toh aapko kisi bhi baat ki tension lene ki jaroorat nahi hai.

Aap inn UPI Apps me se koi bhi ek App ko apne Mobile me Install Kar lijiye…

SBI Pay  PNB UPI   Axis Pay UPI  UBI UPI App   ICICI Bank   Punjab Nation Bank (PNB)

Canara Bank Bank of Maharashtra   HDFC Bank  UCO Bank   Andhra Bank     Vijya Bank

Inke alawa bhi Google Playstore me aneko UPI App available hai aap jis App ko chahe apne Smartphone me install kar ke use kar sakte hai, kyunki saare UPI App ka kaam karne ka tarike bilkul same hai.

Humne apne Android Smartphone me UBI App install kiya hai. Agar aap bhi chahe toh aap apne Smartphone me UBI App install kar sakte hai. UBI App install karne ke baad, fir aap uss app ko open Karenge toh usme aapke number ko verify kiya jayega…aap UBI App me wohi number select kare jo aapke bank account me registered hai. Uske baad aapko ek registration form milega, aapko uss registration form ko fill-up karke register karna hai. Uske baad aap UPI App ko use kar sakte hai.

UPI App me Kya-Kya Kar Sakte Hai?

Aap UPI App ke madhyam se banking ke saare work easily kar sakte hai or ess App ke madhyam se hum apne bank account se kisi dusre bank ke account me paise transfer bhi kar sakte hai or paise receive bhi kar sakte hai. Iss App ke madhyam se jo paise transfer karne ki limit hoti hai wo bhi one lakhs hai.

UPI App ka use kaise kare or ess App ke Kya-Kya features hai saath hi kaise ess app ko apne mobile me use kare uski puri jankari niche ke video me available hai toh aap iski puri jankari video dekhkar le sakte hai.

Ek important baat hum aap sabhi ko bata dena chahte hain ki agar aap ess app ko use karne se dar rahe hai ki aapka bank account koi hack naa kar le ya koi mere bank account se paise na transfer kar le toh aapko ess baat se darne ki bilkul jaroorat nahi hai kyunki ye UPI App RBI ne verify kiya hai. Ess App me aap sirf ess baat ka dhyaan rakhe ki jo PIN Number aapne set kiya hai wo kisi ko bhi na bataye…iske alawa ye App bilkul secure hai aur aapko tension lene ki koi jaroorat nahi hai.

Ess post me humne aapko bataya ki UPI (Unified Payments Interface) Kya Hai or UPI App Ka Use Kaise Kare. Iske alawa UPI App se cashless transaction kaise karte hai. I hope aapko hamara yah post pasand aaya hoga. Thanks for Readings

LEAVE A REPLY

Please enter your comment!
Please enter your name here