Home Uncategorized Slow Computer की Speed बढ़ाने का 8 तरीका हिंदी में

Slow Computer की Speed बढ़ाने का 8 तरीका हिंदी में

43
0
SHARE

Computer Ki Speed Badhane Ka Tarika – Jab aapka computer ya Laptop naya hota hai to uski speed bahut hi achi hoti hai aur aapko kaam karne me bhi maza aata hai lekin jaise jaise aapka computer ya laptop purana hone lagta hai waise waise aapke computer ki speed bhi dhimi ho jaati hai, kabhi kabhi to aapko maan karta hoga ki aap apne computer ko patak de, ya agar jayada gussa aata hai to aap apne computer ki speed badhane ke liye lagte hai format marna. Lekin aaj mai aapko format marne ke alawa bhi bahut saare option bataunga jiske sahare aap apne computer ki speed ko badha sakte hai.

To Chaliye aaj ke post me bataunga ki aap apne computer ya Laptop ki speed ko fast kaise kare, iske liye hamare paas kuch tips hai and tricks hai, aap mere bataye gaye tips and tricks ko follow kare.

Computer Ki Speed Badhane Ka Tarika

To Chaliye hum aapko ek-ek karke wo saare tips and tricks batate hai, jiske jariye aap bhi apne Slow Laptop or Computer Ki Speed Badha Sakte hai.

Tips 1: Computer Ki Recycle Bin Khali (Empty) Rakhe

Aap sabhi jaante hai ki jo bhi file ya folder apne computer par se delete karte hai to wo direct recycle bin me chala jata hai aur recycle bin me chale jaane ka matlab hai ki wo file folder jo aapne delete kiya hai wo C drive me chala gaya hai, kyunki Recycle Bin C Drive me hi maujood rahti hai. Jiske karan aapka computer ya laptop ki speed slow ho jaati hai.

Computer Ki Recycle Bin Khali (Empty) Rakhe

Agar aap jo bhi data apne computer se delete karte hai aur wo Recycle Bin me aa jaata hai aur uss data ka koi bhi kaam nahi hai to aap Recycle Bin me jakar bhi uss data ko wahan se delete kar de, kyunki agar Recycle Bin khali rahega toh aapka computer ki speed achi rahegi.

Agar aap chahte hai ki jab hum koi bhi file delete kare jo Recycle Bin me bhi naa jaye wo computer se hamesha ke liye delete ho jaye to iske liye aap uss file pe mouse se click kar ke Shift+Delete Button dabakar Yes pe click kar de to aapki file hamesha ke liye computer ya laptop se delete ho jayegi.

Tips 2: Computer Ke C Drive Ko Free Rakhe

Dosto aap apne computer ke C Drive ko bilkul free rakhe, aap koshish kare ki ess drive me faltu ka documents naa rahe aur jo bhi faltu ka software install kiye hai usko ess drive se uninstall kar de. Kyunki hamara Operating System (OS) C Drive me hi install rahti hai.

C Drive Ko Free Rakhne Ke Liye Aap Iss Tarike Ko Follow Kare

Step 1: Sabse Pahle Aap Apne Computer Ke Control Panel Me Jaye

Step 2: Uske baad Action Centre Par Click Kar De

Computer Ke Control Panel Me Jaye Aur Action Center Pe Click Kare

Step 3: Action Centre me jaane ke baad aapko “View Performance Information” ka option najar aayega, aap uss option pe click kar de.

View Performance Information Ke Option Pe Click Kare

Step 4: Uspe click karne ke baad aapko “Open Disk Cleanup” ka option najar aayega.

Step 5: Aap Jaise hi Open Disk Cleanup ke option par click karte hai aapke samne ek dialog box khul jayega.

Open Disk Cleanup ke option par click karte hai aapke samne ek dialog box khul jayega

Step 6: Aap Us dialog box me dekhenge ki C Drive ka option aa raha hai. Aap C Drive ko clean karna chahte hai isliye aap sirf OK button par click kar de.

Step 7: Uske baad aap dekhenge ki ek process hogi, usme error files, temp films aur corrupt files ki calculation hogi.

Process Ho Rahi Hai

Step 8: Jab file Calculate ho jayegi, uske baad aapke samne kuch files najar aayenge aap un sabhi files pe click kar de aur uske baad Delete Files ka button daba de.

Delete Files ka button daba de

Step 9: Uske baad aap dekhenge ki aapke C Drive me jitni bhi temp files, corrupt files hai wo sabhi delete ho jayegi.

Tips 3: Graphics Driver Ko Upgrade Kare

Agar aap apne computer par game khelte hai toh aapko apne computer ke Graphics Driver ko up to date rakhne ki jaroorat hai. Graphics Driver ko upgrade hone se hamare computer me jo bhi chote mote error hai wo khatam ho jaate hai aur aapke computer ki speed me bhi teji aa jati hai. Dosto Graphics Driver ko up to date karne se HD Quality ke video chalane me bhi madad milta hai.

Tips 4: Computer Me Sirf Ek Hi Anti-Virus Install Kare

Agar aap apne computer me ek se jayada Anti-Virus Install kar ke rakhe hai to aap Uninstall kar de, kyunki ek se jayada Anti-Virus aap apne computer me Install karte hai to iska bahut hi bura parinaam milta hai aur aapki computer ki speed 50% tak kam ho jaati hai. Isliye aap apne computer me sirf ek hi Anti-Virus install kar ke rakhe.

Agar aapke computer me Windows 8 hai ya usse upar ka version aapke computer me install hai to aapko koi bhi Anti-Virus dalne ki jaroorat nahi hai. Aap sirf apne computer me Windows Defender Software ko hi update karte rahiye.

Tips 5: Computer Se Delete Kariye Temp Aur Corrupt Files Ko

Agar aapke computer me Temporary files aur Corrupt files hai to aap apne computer se time to time delete karte rahiye, kyunki agar aap en files ko delete karte hai to aapke computer ki speed me teji aa jayegi. Temporary files ko delete karne ke liye Run me jakar aap sirf type kare “%temp%” aur Enter button daba de. Enter Button dabate hi aapke saamne bahut saari Temporary files najar aayengi aap un sabhi files ko delete kar de.

Temp Aur Corrupt Files Ko Computer Se Kaise Delete Kare

Temporary Files Aur Corrupt Files ko Computer se delete karne ke liye aap mere steps ko follow kare:

Step 1: Sabse Pahle aap Run Command Open Kar Le. Run Command Open Karne ke liye aap keyboard se Windows+R ka button press kare

Step 2: Uske baad Run Command me type kare “%Temp%” Aur Enter Button press kare.

Run Command me type kare “%Temp%” Aur Enter Button press kare

Step 3: Uske baad aapke samne Temporary Files ka Folder open ho Jayega.

Step 4: Uske baad aapko jitne bhi files dikh rahe hai un sabhi ko select kar ke delete kar dijiye.

Temporary Files ka Folder open ho Jayega

Step 5: Iss steps ko hafte me 2-3 baar karne se aapka computer ache tarike se chalega.

Tips 6: Computer Me System Hardware Ko Update Karte Rahiye

Agar aapka Computer ek se do saal tak purana ho gaya hai to aap apne computer ke Hardware ko change karte rahe. Kyunki jaise jaise samay badhta hai waise waise marke me hardware ke bahut saare naya version aata hai aur us naye version ke anusar aapka Hardware ki capacity kafi kam ho jati hai, jiske karan aapka computer bhi naye wale ke samne dhimi ho jaati hai. Isliye aap samay ke saath aap apne computer ki hardware ko changes karte hare jaise Graphic Card, Cables, RAM, Hard Disc etc. Agar aap samay ke saath aap apne Computer ki hardware ko change karte rahte hai to aapke Computer ki speed bhi bahut achi rahegi.

Tips 7: Computer Desktop Screen Clean Rakhe

Dosto aap apne computer ke desktop pe jo bhi jaroorat wali files aur folders hai wohi rakhe, warna jo bhi unusual files and folders hai usko aap apne desktop se hata de. Kyunki aapke desktop pe jo bhi files aur folders hote hai wo saare C drive me hi rahte hai, jiske karan aapke RAM pe bhi prabhav padta hai aur aapka computer slow kaam karta hai.

Tips 8: Registered Anti-Virus Ka Use Kare

Agar aap apne computer ki speed ko Badhana chahte hai to aap sabse pahle apne computer se free ka ya hack kiya hua Anti-Virus ko uninstall kar de, kyunki iss tarah ka Anti-Virus nahi hota hai balik wo ek tarah ka virus hi hota hai. Isliye jab bhi aap apne computer ya laptop me Anti-Virus ka use karna chahte hai to Registered Anti-Virus ka hi use kare jaise – Quick Heal, Kaspersky, Avast etc.

Dosto ess post me humne aapko Slow Laptop or Computer ki speed Badhane ka tarika bataya wo bhi 8 easy tips and tricks ke saath. Agar aapko yah post pasand aaya ho toh aap comment box me likhkar comment kare aur mere website ko follow kare taki aapke liye education aur technology se related information post kar saku.